“ਸੰਘ” ਦਾ ਰਾਜ ਹੈ ,ਇਸ ਦੇਸ਼ (ਹਿੰਦੋਸਤਾਨ) ਵਿੱਚ ਰਹਿੰਨਾਂ ਹੈ ਤਾਂ ਹਿੰਦੂ ਬਣ ਕੇ ਰਿਹਨਾਂ ਪਵੇਗਾ। Posted by Dal Khalsa Alliance

“ਸੰਘ” ਦਾ ਰਾਜ ਹੈ,

ਇਸ ਦੇਸ਼ (ਹਿੰਦੋਸਤਾਨ) ਵਿੱਚ ਰਹਿੰਨਾਂ ਹੈ ਤਾਂ ਹਿੰਦੂ ਬਣ ਕੇ ਰਿਹਨਾਂ ਪਵੇਗਾ।

“ਸੰਘ” ਦਾ ਰਾਜ ਹੈ,

ਇਸ ਦੇਸ਼ (ਹਿੰਦੋਸਤਾਨ) ਵਿੱਚ ਰਹਿੰਨਾਂ ਹੈ ਤਾਂ ਹਿੰਦੂ ਬਣ ਕੇ ਰਿਹਨਾਂ ਪਵੇਗਾ।

ਮੇਰੇ ਵੀਰੋ !
     ਕੌਮ ਦੇ ਮਾੜੇ ਹਾਲਾਤ ਇਸ ਲਈ ਨਹੀ ਹਨ, ਕਿ ਦੁਸ਼ਮਨ ਇਕ ਜੁਟ ਹੈ। ਪੰਥ ਦੇ ਮਾੜੇ ਹਾਲਾਤ ਇਸ ਲਈ ਹਨ , ਕਿਉਕਿ ਅਸੀ ਇਕ ਜੁਟ ਨਹੀ ਹਾਂ । ਸਾਡੀ ਹਾਲਤ ਤਾਂ ਇਸ ਵੇਲੇ ਉਸ ਅਨਭੋਲ ਬੱਚੇ ਵਰਗੀ ਹੈ ਜੋ ਅਨਗਹਲੀ ਅਤੇ ਨਾਂਸਮਝੀ ਕਰਕੇ ਚਾਕੂ ਨੂੰ ਉਸਦੇ ਦਸਤੇ ਤੋਂ ਫੜਨ ਦੀ ਬਜਾਏ ਉਸਦੇ ਧਾਰਦਾਰ ਹਿੱਸੇ ਨੂੰ ਫੱੜ ਕੇ ਆਪ ਹੀ ਲਹੂ ਲੁਹਾਨ ਹੋ ਚੁਕਾ ਹੈ । ਹਉਮੇ , ਚੌਧਰ ਅਤੇ ਗੋਲਕਾਂ ਦੇ ਲਾਲਚੀ ਪ੍ਰਧਾਨਾਂ ਨੇ ਕੋਮ ਦੀਆਂ ਨੀਹਾਂ ਨੂ ਖੋਖਲਾ ਕਰ ਦਿਤਾ ਹੈ । ਪ੍ਰਚਾਰ ਦੇ ਨਾਂ ਤੇ ਸਾਡੇ ਡਾਲਰਾਂ ਦੇ ਭੂੱਖੇ ਪ੍ਰਚਾਰਕ ਉਨ੍ਹਾਂ ਲੋਗਾਂ ਦੇ ਜੁੱਤੀ ਚੱਟ ਬਣੇ ਫਿਰਦੇ ਹਨ , ਜੋ ਆਪ ਬੁਰਛਾ ਗਰਦਾਂ ਦੇ ਪਾਲਤੂ ਅਜੈੰਟ ਹਨ । ਸਾਨੂੰ ਕਿਸੇ ਤੇ ਭਰੋਸਾ ਨਹੀ ਰਿਹਾ , ਕਿ ਕੌਣ ਅਪਣਾਂ ਹੈ, ਤੇ ਕੌਣ ਚੋਰਾਂ ਨਾਲ ਰਲਿਆ ਹੋਇਆ ਹੈ।
     95 % ਸਿੱਖਾਂ ਨੂੰ ਇਨ੍ਹਾਂ ਗੱਲਾਂ ਦਾ ਪਤਾ ਹੀ ਨਹੀ ਹੈ। ਉਹ ਤਾਂ ਗੁਰਦੁਆਰੇ ਜਾ ਕੇ ਮੱਥਾ ਟੇਕ ਆਉਣ ਨੂੰ ਹੀ ਸਿੱਖੀ ਸਮਝਦੇ ਹਨ । ਅੰਮ੍ਰਿਤ ਛਕ ਲੈਣ ਤੋਂ ਬਾਦ ਉਹ ਇਹ ਸਮਝ ਲੈੰਦੇ ਹਨ ਕਿ ਸਿੱਖੀ ਪ੍ਰਤੀ ਸਾਡਾ ਫਰਜ ਪੂਰਾ ਹੋ ਗਇਆ ਹੈ , ਅਸੀ ਪੂਰਨ ਸਿੱਖ ਬਣ ਚੁਕੇ ਹਾਂ । ਕੌਮ ਦੇ ਮਾੜੇ ਹਾਲਾਤ ਸਾਡੀ ਅਪਣੀ ਵਜਿਹ ਨਾਲ ਹੋਏ ਹਨ। ਦੁਸ਼ਮਨ ਦੇ ਮਾਰਿਆਂ ਨਾਂ ਅਸੀ ਕਦੀ ਨਹੀ ਸਾਂ ਮੁੱਕੇ, ਆਪਣਿਆ ਦੇ ਕਾਰਣ ਹੁਣ ਮੁੱਕ ਜਾਵਾਂਗੇ । ਨਾਂ ਕੁਝ ਕਹਿਨ ਨੂੰ ਮਨ ਕਰਦਾ ਹੈ, ਤੇ ਨਾਂ ਕੁਝ ਲਿਖਣ ਨੂੰ ਮਨ ਕਰਦਾ ਹੈ ਹੁਣ। ਅਪਣੀ ਮੌਤ ਦਾ ਨਜਾਰਾ , ਅਪਣੀਆਂ ਅੱਖਾਂ ਦੇ ਸਾਮ੍ਹਣੇ ਵੇਖ ਰਹੇ ਹਾਂ ਅਸੀ ,ਲੇਕਿਨ ਲਾਚਾਰ ਹੋ ਕੇ ਪਏ ਹੋਏ ਹਾਂ ।
     ਹੱਲੀ ਕਈ ਭੋਲੇ ਭਾਲੇ ਸਿੱਖ ਇਹ ਆਸ ਲਾਈ ਬੈਠੇ ਹਨ ਕਿ “ਸਿੱਖੀ ਨੂੰ ਕੌਨ ਮੁਕਾ ਸਕਦਾ ਹੈ ? ਸਿੱਖੀ ਮੁਕਦੀ ਨਹੀ । ਭੋਲਿਉ ! ਵਡੀਆਂ ਵਡੀਆਂ ਸਲਤਨਤਾਂ ,ਕੌਮਾਂ ਅਤੇ ਸਭਿਅਤਾਵਾਂ ਇਸ ਦੁਨੀਆਂ ਵਿਚੋ ਮੁੱਕ ਚੁਕੀਆਂ ਨੇ, । ਰਹਿ ਗਈਆਂ ਨੇ ਤੇ ਸਿਰਫ ਉਨ੍ਹਾਂ ਦੀਆਂ ਬਨਾਈਆਂ ਇਮਾਰਤਾਂ , ਮਹਿਲਾਂ ਅਤੇ ਕਿਲਿਆਂ ਦੇ ਖੰਡਹਰ । “ਪੰਜਾਬ ਦਾ ਹਾਲ ਵੇਖੋ ! ਸਿੱਖੀ ਨਸ਼ਿਆਂ , ਪਤਿਤ ਪੁਣੇ, ਅਤੇ ਕੈੰਸਰ ਦੇ ਰੋਗ ਨੇ ਹੀ ਮੁਕਾ ਛੱਡੀ ਹੈ [ ਹੁਣ ਤੁਹਾਡੀ ਵਾਰੀ ਹੈ, ਪੰਜਾਬ ਤੋਂ ਬਾਹਰ ਰਹਿਨ ਵਾਲਿਉ ! ਇਸ ਸਭ ਕੁਝ ਅਪਣੇ ਆਪ ਨਹੀ ਹੋਇਆ , ਇਹ ਇਕ ਗਿਣੀ ਮਿੱਥੀ ਸਾਜਿਸ਼ ਦਾ ਨਤੀਜਾ ਹੈ , ਜੋ ਤੁਹਾਡੇ ਨਾਲ ਵਰਤਿਆ ਗਿਆ ਹੈ।
     ਬਾਹਰਲੇ ਸਿੱਖੋ , ਹੁਣ ਤੁਹਾਡੀ ਵਾਰੀ ਹੈ, “ਸੰਘ” ਦਾ ਰਾਜ ਹੈ ,ਇਸ ਦੇਸ਼ (ਹਿੰਦੋਸਤਾਨ) ਵਿੱਚ ਰਹਿੰਨਾਂ ਹੈ ਤਾਂ ਹਿੰਦੂ ਬਣ ਕੇ ਰਿਹਨਾਂ ਪਵੇਗਾ। ਤੁਸੀ ਭਾਵੇ ਕਹੀ ਜਾਉ ਕਿ "ਹਮ ਹਿੰਦੀ ਨਹੀ" ਲੇਕਿਨ ਤੁਹਾਡੀ ਧਾਰਮਿਕ ਤੇ ਸਿਯਾਸੀ ਆਗੂ ਤਾਂ ਸਵੀਕਾਰ ਕਰ ਚੁਕੇ ਹਨ ਕਿ ਉਹ "ਕੇਸਾਧਾਰੀ ਹਿੰਦੂ" ਹਨ । ਇੱਸੇ ਲਈ ਉਨ੍ਹਾਂ ਦੀ ਜੁਬਾਨ ਮੋਹਨ ਭਾਗਵਤ ਦੀ ਘੋਸ਼ਨਾਂ ਦੇ ਖਿਲਾਫ ਅੱਜ ਤਕ ਨਹੀ ਖੁੱਲੀ । ਤੁਹਾਨੂੰ ਹਿੰਦੂ ਬਣਾਂ ਕੇ ਤੁਹਾਡਾ ਵਜੂਦ ਮੁਕਾ ਦਿਤਾ ਜਾਵੇਗਾ। ਤੁਹਾਡਾ “ਹਿੰਦੂਕਰਣ “ਹੋ ਚੁਕਾ ਹੈ, ਜਰਾ ਅਪਣੇ ਅੰਦਰ ਝਾਤ ਮਾਰ ਕੇ ਵੇਖੋ ? ਤੁਹਾਡੀ ਮਾਂ ਬੋਲੀ , ਤੁਹਾਡਾ ਕੈਲੰਡਰ ਤੁਹਾਡੀ ਵਖਰੀ ਹੋਂਦ ਦੀ ਹਰ ਨਿਸ਼ਾਨੀ, ਤੁਹਾਡੇ ਤੋਂ ਖੋਹ ਲਈ ਗਈ ਹੈ। ਅਸੀ ਕੇਸਾਧਾਰੀ ਹਿੰਦੂ ਦੇ ਰੂਪ ਵਿੱਚ ਹੀ ਵਿਚਰ ਰਹੇ ਹਾਂ । ਗੁਰੂ ਗ੍ਰੰਥ ਸਾਹਿਬ ਤੋਂ ਤੋੜ ਕੇ ਸਾਨੂੰ , ਦਸਮ ਗ੍ਰੰਥ ਨਾਮ ਦੀ ਕੂੜ ਕਿਤਾਬ ਦਾ ਪੁਜਾਰੀ ਬਣਾਂ ਦਿਤਾ ਗਇਆ ਹੈ। ਅਸੀ ਇੱਸੇ ਤਰ੍ਹਾਂ ਇਕ ਦੂਜੇ ਨੂੰ ਮੁਕਦਿਆ ਵੇਖਦੇ ਰਹਾਂਗੇ । ਕੋਈ ਅਵਾਜ ਨਹੀ ਉੱਠੇਗੀ , ਕਿਉ ਕਿ ਕੋਮ ਕਿਸੇ ਚੰਗੇ ਅਤੇ ਦਲੇਰ ਆਗੂ ਦੀ ਕਮੀ ਕਰਕੇ , ਦਿਸ਼ਾ ਹੀਨ ਹੋ ਚੁਕੀ ਹੈ, ਕਿਸੇ ਵੱਡੇ ਤੂਫਾਨ ਜਾਂ ਸੁਨਾਮੀ ਵਿੱਚ ਉਜੜੇ ਹੋਏ ਪਰਿਵਾਰ ਵਾਂਗ ।
    ਇੰਦਰਜੀਤ ਸਿੰਘ ਕਾਨਪੁਰ