ਜ਼ੁਲਮ ਤੇ ਬੇਇਨਸਾਫ਼ੀ ਦਾ ਸਿਖ਼ਰ…ਪੰਜਾਬ ‘ਚ ਅਣਐਲਾਨੀ ਐਮਰਜੈਂਸੀ
ਜ਼ੁਲਮ ਤੇ ਬੇਇਨਸਾਫ਼ੀ ਦਾ ਸਿਖ਼ਰ…ਪੰਜਾਬ ‘ਚ ਅਣਐਲਾਨੀ ਐਮਰਜੈਂਸੀ
ਜ਼ੁਲਮ ਤੇ ਬੇਇਨਸਾਫ਼ੀ ਦਾ ਸਿਖ਼ਰ…ਪੰਜਾਬ ‘ਚ ਅਣਐਲਾਨੀ ਐਮਰਜੈਂਸੀ
ਜਰਨੈਲ ਸਿੰਘ ਦੇ ਪਰਿਵਾਰ ਨੂੰ ਦਿੱਤੀਆਂ ਧਮਕੀਆਂ ਕਿ ਜੇ ਉਹ ਹਸਪਤਾਲ ‘ਚ ਜਰਨੈਲ ਸਿੰਘ ਦੀ ਦੇਖਭਾਲ ਕਰਦੇ ਦਿਖਾਈ ਦਿੱਤੇ ਤਾਂ ਉਹਨਾਂ ਨੂੰ ਵੀ ਜੇਲ ਵਿੱਚ ਡੱਕ ਦਿੱਤਾ ਜਾਵੇਗਾ, ਦਾ ਅਸਰ ਵੀ ਸਾਫ਼ ਵਿਖਾਈ ਦਿੱਤਾ, ਕਿਉਂਕਿ ਜਰਨੈਲ ਸਿੰਘ ਦੀ ਗਿ੍ਰਫਤਾਰੀ ਵੇਲੇ, ਉਸ ਦੇ ਪਰਿਵਾਰ ਦਾ ਕੋਈ ਵੀ ਮੈਂਬਰ ਹਸਪਤਾਲ ‘ਚ ਹਾਜ਼ਰ ਨਹੀਂ ਸੀ। ਇੱਕ ਪਾਸੇ ਇਸੇ ਬਾਦਲ ਸਰਕਾਰ ਨੇ ਉਹਨਾਂ ਪੁਲਿਸ ਵਾਲਿਆਂ ‘ਤੇ ਜਿਨਾਂ ਨੇ ਬਹਿਬਲ ਕਲਾਂ ਵਿੱਚ ਸਤਿਨਾਮ -ਵਾਹਿਗੁਰੂ ਦਾ ਜਾਪ ਕਰਦੀਆਂ ਸਿੱਖ ਸੰਗਤਾਂ ਨੂੰ ਗੋਲੀ ਚਲਾ ਕੇ 2 ਸਿੰਘਾਂ ਨੂੰ ਸ਼ਹੀਦ ਅਤੇ ਦਰਜਨਾਂ ਨੂੰ ਗੰਭੀਰ ਜ਼ਖਮੀ ਕਰ ਦਿੱਤਾ ਸੀ , ਉਹਨਾਂ ਵਿਰੁੱਧ ਨਾਮ ਲਿਖ ਕੇ ਪਰਚੇ ਦਰਜ ਨਹੀਂ ਕੀਤੇ ਗਏ। ਦੋ ਅੰਮਿ੍ਰਤਧਾਰੀ ਸਿੱਖ ਨੌਜਵਾਨਾਂ ਨੂੰ ਝੂਠੇ ਪਰਚੇ ‘ਚ ਨਾਮਜ਼ਦ ਕਰਕੇ , ਉਹਨਾਂ ਦੀਆਂ ਗਿ੍ਰਫ਼ਤਾਰੀ ਕਰ ਕੇ, ਉਹਨਾਂ ‘ਤੇ ਅੰਨਾਂ ਤੱਸ਼ਦਦ ਕਰਨ ਵਾਲੇ ਪੁਲਿਸ ਅਫ਼ਸਰ ਮੁਅਤਲ, ਨਹੀਂ ਕੀਤੇ ਗਏ । ਗੁਰੂ ਸਾਹਿਬ ਦੇ ਪਾਵਨ ਸਰੂਪ ਚੋਰੀ ਕਰਨ ਵਾਲੇ ਦੁਸ਼ਟ ਦੋਸ਼ੀ ਨਹੀਂ ਲੱਭੇ , ਗੁਰੂ ਸਾਹਿਬ ਦੇ ਪਾਵਨ ਅੰਗਾਂ ਦਾ ਕਤਲੇਆਮ ਕਰਨ ਵਾਲੇ ਕਾਤਲਾਂ ਦਾ ਖੁਰਾ ਖੋਜ ਨਹੀਂ ਲੱਭਿਆ ਗਿਆ। ਉਥੇ ਦੂਜੇ ਪਾਸੇ ਇੱਕ ਬਜ਼ੁਰਗ ਨੂੰ ਜਿਸ ਨੇ ਗੁਰੂ ਸਾਹਿਬ ਦੇ ਨਿੱਤ ਹੁੰਦੇ ਅਪਮਾਨ ਵਿੱਰੁਧ ਰੋਸ ਦਾ ਪ੍ਰਗਟਾਵਾ ਕਰਕੇ ਕੁੱਟ ਖਾਧੀ ਸੀ , ਉਸ ਨੂੰ ਹਸਪਤਾਲ ‘ਚ ਪਏ ਨੂੰ ਗਿ੍ਰਫ਼ਤਾਰ ਕਰ ਲਿਆ ਜਾਣਾ ਕਿਧਰ ਦਾ ਇਨਸਾਫ਼ ਹੈ ? ਕੋਈ ਦਸੱਣ ਪੁੱਛਣ ਵਾਲਾ ਹੀ ਨਹੀਂ? ਅਸੀਂ ਚਾਹੁੰਦੇ ਹਾਂ ਕਿ ਜਿਸ ਤਰਾਂ ਅੱਜ ਪੰਜਾਬ ‘ਚ ਜ਼ਬਰ ਦਾ ਦੌਰ ਇੰਦਰਾ ਗਾਂਧੀ ਦੀ ਐਮਰਜੈਂਸੀ ਨੂੰ ਅਤੇ ਬੇਅੰਤ ਸਿੰਹੁ ਦੇ ਕਾਲੇ ਦੌਰ ਨੂੰ ਵੀ ਮਾਤ ਪਾ ਰਿਹਾ ਹੈ, ਉਸ ਵਿਰੁੱਧ ਹਰ ਜਿਊਂਦੀ ਜਾਗਦੀ ਜ਼ਮੀਰ ਵਾਲੇ ਸਿੱਖ ਅਤੇ ਮਨੁੱਖੀ ਅਧਿਕਾਰਾਂ ਦੇ ਰਾਖਿਆਂ ਦਾ ਜਾਗਣਾ ਤੇ ਮੈਦਾਨ ‘ਚ ਨਿੱਤਰਨਾ ਜ਼ਰੂਰੀ ਹੈ । ਲੋਕ ਏਕੇ ਤੋਂ ਬਿਨਾਂ ਜ਼ਾਬਰ ਹਾਕਮਾਂ ਨੂੰ ਕਦੇ ਨੱਥ ਨਹੀਂ ਪਈ , ਇਹ ਸਦੀਵੀ ਸੱਚ ਹੈ ।
ਜਸਪਾਲ ਸਿੰਘ ਹੇਰਾਂ
