ਭਾਰਤ ਵਿੱਚ ਲੋਕ-ਤੰਤਰ ਅਤੇ ਵਿਚਾਰਾਂ ਦੀ ਅਜ਼ਾਦੀ ਇਕ ਮਜ਼ਾਕ ਹੈ।
ਅੱਜ ਕਲ ਭਾਰਤ ਵਿੱਚ ਇਸ ਵਿਸ਼ੇ ਤੇ ਵਡੇ ਵਡੇ ਸਾਹਿਤਕਾਰ, ਫ਼ਿਲਮਕਾਰ ਅਤੇ ਹੋਰ ਪਤਵੰਤੇ ਬਹੁਤ ਚਿੰਤਾ ਵਿਅਕਤ ਕਰ ਰਹੇ ਹਨ। ਕਰਨ ਜੋਹਰ ਨੇ ਤਾਂ ਇੱਥੋਂ ਤੱਕ ਕਹਿ ਦਿੱਤਾ ਹੈ ਕਿ ਭਾਰਤ ਵਿੱਚ ਲੋਕ-ਤੰਤਰ ਅਤੇ ਵਿਚਾਰਾਂ ਦੀ ਅਜ਼ਾਦੀ ਇਕ ਮਜ਼ਾਕ ਹੈ। ਭਾਰਤ ਵਿਚਲੀਆਂ ਂਘਟਗਿਣਤੀਆਂ ਲਈ ਤਾਂ ਭਾਰਤ ਵਿਚਲਾ ਲੋਕ-ਤੰਤਰ 1947 ਤੋਂ ਬਾਅਦ ਹੀ ਮਜ਼ਾਕ ਸਾਬਤ ਹੋ ਗਿਆ ਸੀ। ਫਰਕ ਹੁਣ ਇਹ ਹੋਇਆ ਹੈ ਕਿ ਬਹੁਗਿਣਤੀ ਵਿਚਲੀਆਂ ਵਖਰੀਆਂ ਵਿਚਾਰਧਾਰਾਵਾਂ ਵਾਲੇ ਵੀ ਹੁਣ ਸਰਕਾਰ ਪੱਖੀਆਂ ਵੱਲੋਂ ਦੇਸ-ਧ੍ਰੋਹੀ ਗਰਦਾਨੇ ਜਾਣ ਲੱਗ ਪਏ ਹਨ ਪਹਿਲਾਂ ਤਾਂ ਭਾਰਤ ਵਿਚਲੀਆਂ ਘਟਗਿਣਤੀਆਂ ਦੇ ਬਹੁਗਿਣਤੀ ਵਾਲੇ ਰਾਜਾਂ ਜਿਵੇਂ ਪੰਜਾਬ, ਕਸ਼ਮੀਰ ਅਤੇ ਨਾਗਾਲੈਂਡ ਵਿੱਚ ਹੀ ਦੇਸ-ਧ੍ਰੋਹੀ ਹੋਣ ਦੇ ਫ਼ਤਵੇ ਦਿੱਤੇ ਜਾਂਦੇ ਸਨ ਪਰ ਹੁਣ ਬਿਹਾਰ ਚੌਣਾ ਵਿੱਚ ਸਮੂਹ ਦੂਜੀ ਧਿਰ ਨੂੰ ਹੀ ਪਾਕਿਸਤਾਨ ਪੱਖੀ ਕਹਿ ਕੇ ਵੋਟਰਾਂ ਨੂੰ ਡਰਾਉਣ ਦੀ ਕੋਸ਼ਿਸ਼ ਕੀਤੀ ਗਈ। ਇੱਥੋਂ ਤੱਕ ਕੁਝ ਕੁ ਸਮਾਂ ਪਹਿਲਾਂ ਤੱਕ ਜਿਹੜੀ ਕਾਂਗਰਸ ਪਾਰਟੀ ਨੂੰ ਦੇਸ਼ ਦੀ ਅਜ਼ਾਦੀ ਲਈ ਸਿਹਰੇ ਪਾਏ ਜਾਂਦੇ ਸਨ, ਉਸ ਦੇ ਜਵਾਹਰ ਲਾਲ ਨਹਿਰੂ ਵਰਗੇ ਲੀਡਰਾਂ ਨੂੰ ਅੰਗਰੇਜ਼ਾਂ ਦੇ ਏਜੰਟ ਕਹਿ ਕੇ ਦੇਸ਼ ਧ੍ਰੋਹੀ ਗਰਦਾਨਿਆਂ ਜਾ ਰਿਹਾ ਹੈ। ਪਰ ਅੱਜ ਵੀ ਜਦੋਂ ਪੰਜਾਬ ਵਿੱਚ ਸਿੱਖਾਂ ਉਤੇ ਦੇਸ਼ ਧ੍ਰੋਹ ਦੇ ਪਰਚੇ ਦਰਜ ਕੀਤੇ ਜਾਂਦੇ ਹਨ ਤਾਂ ਸਮੂਹ ਬਹੁਗਿਣਤੀ ਨੂੰ ਵਿਚਾਰਾਂ ਦੀ ਅਜ਼ਾਦੀ ਅਤੇ ਲੋਕ-ਤੰਤਰ ਵਿੱਚ ਅਸਿਹਣਸ਼ੀਲਤਾ ਨਜਰ ਨਹੀਂ ਆਉਂਦੀ। ਹੁਣੇ ਹੀ ਪੁਰ ਅਮਨ ਹੋਏ ਸਿੱਖਾਂ ਦੇ ਲੱਖਾਂ ਦੇ ਸਰਬੱਤ ਖਾਲਸੇ ਦੇ ਮੋਹਰੀਆਂ ਨੂੰ ਇਸੇ ਹੀ ਅਸਿਹਣਸ਼ੀਲਤਾ ਕਾਰਨ ਦੇਸ਼ ਧ੍ਰੋਹੀ ਕਹਿ ਕੇ ਅੰਦਰ ਡੱਕਿਆ ਗਿਆ ਹੈ ਪਰ ਕੋਈ ਸਾਹਿਤਕਾਰ , ਕੋਈ ਰਾਜਨੀਤਕ ਪਾਰਟੀ ਸਿੱਖਾਂ ਦੇ ਹੱਕ ਵਿੱਚ ਨਹੀਂ ਬੋਲੀ। ਕੀ ਇਹ ਲੋਕ ਤੰਤਰ ਅਤੇ ਵਿਚਾਰਾਂ ਦੀ ਅਜ਼ਾਦੀ ਨੂੰ ਉਦੋਂ ਹੀ ਖਤਰਾ ਹੈ ਜਦੋਂ ਬਹੁਗਿਣਤੀ ਨੂੰ ਦੇਸ਼ ਧ੍ਰੋਹੀ ਕਿਹਾ ਜਾਵੇ? ਕੀ ਘਟਗਿਣਤੀਆਂ ਤੇ ਪਿਛਲੇ 70 ਸਾਲਾਂ ਤੋਂ ਖੋਹੇ ਜਾ ਰਹੇ ਵਿਚਾਰਾਂ ਦੀ ਅਜ਼ਾਦੀ ਦੇ ਅਧਿਕਾਰ ਇਸੇ ਤਰਾਂ ਖੋਹੇ ਜਾਂਦੇ ਰਹਿਣਗੇ ਅਤੇ ਅਜਿਹੇ ਵਿੱਚ ਬਹੁਗਿਣਤੀ ਇਸੇ ਤਰਾਂ ਚੁੱਪ ਵੱਟਦੀ ਰਹੇਗੀ ਸਾਰੀਆਂ ਮੁਸੀਬਤਾਂ ਦੀ ਜੜ੍ਹ ਗੁਲਾਮੀ, ਸਾਰੀਆਂ ਮੁਸੀਬਤਾਂ ਦਾ ਹੱਲ ਕੇਵਲ ਆਜ਼ਾਦੀ।
ਭਾਰਤ ਵਿੱਚ ਲੋਕ-ਤੰਤਰ ਅਤੇ ਵਿਚਾਰਾਂ ਦੀ ਅਜ਼ਾਦੀ ਇਕ ਮਜ਼ਾਕ ਹੈ।
ਭਾਰਤ ਵਿੱਚ ਲੋਕ-ਤੰਤਰ ਅਤੇ ਵਿਚਾਰਾਂ ਦੀ ਅਜ਼ਾਦੀ ਇਕ ਮਜ਼ਾਕ ਹੈ।
ਭਾਰਤ ਵਿੱਚ ਲੋਕ-ਤੰਤਰ ਅਤੇ ਵਿਚਾਰਾਂ ਦੀ ਅਜ਼ਾਦੀ ਇਕ ਮਜ਼ਾਕ ਹੈ।
ਭਾਰਤ ਵਿੱਚ ਲੋਕ-ਤੰਤਰ ਅਤੇ ਵਿਚਾਰਾਂ ਦੀ ਅਜ਼ਾਦੀ ਇਕ ਮਜ਼ਾਕ ਹੈ।
No comments:
Post a Comment